Teleteksti
Lajme

Bekim Jashari rrëfen për vështirësitë e dy djemve të dëshmorit që ia kthyen banesën sociale komunës së Skënderajt

bekim-jashari-rrefen-per-veshtiresite-e-dy-djemve-te-deshmorit-qe-ia-kthyen-banesen-sociale-komunes-se-skenderajt

Rrëfimi i Bekim Jasharit për vështirësitë e dy djemve të dëshmorit që ia kthyen banesën sociale komunës së Skënderajt.

Kryetari i Komunës së Skenderajt, Bekim Jashari ka bërë të ditur se dy djemtë e dëshmorit, Muhamet Musliu, Ardiani dhe Kastrioti kanë dorëzuar banesën sociale komunës, pasi tashmë nuk kanë nevojë për të meqë jetojnë në Itali.

Përmes një postimi në Facebook, Jashari ka rrëfyer pak për jetën e dy të rinjve të cilët janë ballafaquar me shumë sfida, prandaj edhe janë detyruar siç tha ai të jetojnë në Itali ku tani kanë kushte të mira jetese.

“Ardian e Kastriot Musliu, ishin të vegjël kur babai i tyre, Muhamet Musliu, nga Ozdrimi i Skenderajt, kapi pushkën për t’i dalë zot vatanit, për çlirimin e trojeve tona.

Loading...

Babai i tyre me 27.03.1999, ra në altarin e Lirisë për të mos vdekur kurrë. Që nga ajo ditë e deri me tani dëshmorit Muhamet Musliu nuk iu kishin gjetur eshtrat.

Kështu fëmijët e tij u rriten me dhimbje të dyfishtë, atë të humbjes së babait dhe faktit që ende nuk e dinin se ku gjendeshin eshtrat e më të dashurit të tyre”, shkruan Jashari.

Përveç dhimbjes këta dy djem të shkëlqyeshëm dhe familja e tyre u ballafaquan me shumë sfida pas luftës duke u nisur nga banimi të cilin e siguruan me shumë vështirësi në ndërtesat sociale të komunës sonë në Skenderaj në vitin 2009.

Vite me vonë dy djemtë e dëshmorit në mungesë të punësimit e perspektivës vendosen që të braktisin vendin e tyre, vendin për të cilin babai i tyre sakrifikoi edhe jetën. Nuk ishte aspak e lehtë për ta.

Sot ata kanë arritur që të krijojnë mirëqenie për familjen e tyre, përmes punës që bëjnë në Itali.

U impresionova me vendimin që kishin marrë për të dorëzuar banesën sociale, duke dhënë kështu shembull të mirë për të gjitha familjet tjera që shfrytëzojnë këto banesa.

Në emrin tim dhe në emër të komunës falënderova Ardianin e Kastriotin për qëndrimin e tyre dhe i shpreha mirënjohjet më të thella për familjen e tyre dhe babain dëshmor Muhamet Musliu.

Lavdi dëshmorit Muhamet Musliu dhe gjithë dëshmorëve e martirëve të Lirisë”, përfundon rrëfimin Jashari.

Tjera nga rubrika

Ja kujt mund t’i konfiskohet pasuria me ligjin e ri

Teleteksti.com

Presidentja thotë se s’mund të prioritizohet dialogu me Serbinë kur nuk sigurohen vaksinat për qytetarët e Kosovës

Teleteksti.com

Donika Gërvalla në KS: Populli votoi për t’u çliruar nga krimi dhe korrupsioni

Teleteksti.com

Detaje shokuese, si e privoi nga jeta tropojani dhëndrin në Gjakovë

Teleteksti.com

Këto janë të gjitha vendimet që mori Qeveria Kurti në mbledhjen e sotme

Teleteksti.com

Mbi 1 mijë të shëruar nga COVID-19 brenda një dite në Kosovë

Teleteksti.com
Agjencia e lajmeve "TELETEKSTI"
www.teleteksti.com - adresa e saktë