Teleteksti
Bota/Rajoni

Ky është vendi evropian që pothuajse e ka mposhtur koronavirusin.

ky-eshte-vendi-evropian-qe-pothuajse-e-ka-mposhtur-koronavirusin.

Vendi evropian që pothuajse e ka mposhtur koronavirusin.

Në luftën kundër Covid-19, marrja e një vendimi në një moment të caktuar mund të bëjë diferencën. Aplikimi i masave të rrepta një javë më herët mund të ndikojë shumë në bilancet e rasteve të reja dhe viktimave.

Në fund të muajit janar, thuhej se Zelanda e Re, Vietnami dhe Tajvani ishin vendet që e kishin menaxhuar më mirë pandeminë.

Por, BBC veçon një rast suksesi në Evropë: Islandën.

Loading...

Vendi nordik, me më pak se gjysmë milion banorë, e ka mposhtur pothuajse virusin. Vetëm 6119 raste që nga nisja e pandemisë dhe 29 viktima. Për më tepër, gjatë këtij viti nuk është regjistruar ende një vik.timë nga koronavirusi.

Me rreth 20 raste të reja në ditë, të rinjtë argëtohen nëpër karaoke dhe restorante. Edhe koncertet janë rikthyer në Islandë.

Një nga arsyet e suksesit, sipas epidemiologut kryesor të Islandës, Thorolfur Gudnason, është parapërgatitja.

“Unë kam 15 vite që përgatitesha për këtë pandemi. Menjëherë sa u lëshua alarmi nëpër botë, e dinim se çfarë duhet të bënim. Testuam shumë, shmangëm kontaktet dhe izoluam të gjithë të infektuarit. E bëmë këtë gjë që nga dita e parë”.

Gjithashtu, çdo person që hyn në Islandë, testohet dhe duhet të qëndrojë i karantinuar për një periudhë të caktuar kohe.

Tjera nga rubrika

Studimi i fundit: Uji me klor i pishinës e ‘zhduk’ koronavirusin në 30 sekonda

Teleteksti

Gabimisht iu depozituan 1.2 milionë euro, prangoset gruaja që bleu shtëpi dhe makinë me to

Teleteksti

Një nxënës i vdekur dhe një polic i plagosur pas të shtënave në një shkollë

Teleteksti

Këto shtete lejojnë namazin e teravisë në xhami

Teleteksti

Propozohet dalja e Gjermanisë nga BE

Teleteksti

Merkel: Ramazani është muaj për të menduar për ata në nevojë

Teleteksti
Agjencia e lajmeve "TELETEKSTI"
www.teleteksti.com - adresa e saktë