Teleteksti
Jetë

Personi që doli vullnetar për të testuar vaksinën e COVID-19, por më pas shtrohet me urgjencë në spital

personi-qe-doli-vullnetar-per-te-testuar-vaksinen-e-covid-19,-por-me-pas-shtrohet-me-urgjence-ne-spital

Doli vullnetar për të testuar vaksinën e COVID-19, por më pas shtrohet me urgjencë në spital.

Studimet mbi vaksinën e koronavirusit në Universitetin e Oksfordit janë ndaluar, sepse një vullnetar u dërgua me urgjencë në spital, pasi dyshohet se pati ënjtje në shtyllën kurrizore.

Sipas “Daily Mail”, gjiganti britanik i ilaçeve “AstraZeneca”, i cili zotëron të drejtat për vaksinën, njoftoi mbrëmë se të gjitha studimet ishin ndaluar për një kohë të pacaktuar, ndërkohë që po hetohet nëse efekti anësor i pacientit është i lidhur me vaksinën e Covid-19.

Kjo do të thotë se askush tjetër nuk do të jetë në gjendje ta testojë vaksinën derisa të përfundojë hetimi.
Vullnetari kishte pësuar një dëmtim serioz, edhe pse është ende e paqartë se ç’reagim shkakton vaksina e krijuar nga kjo kompani.

Loading...

“New York Times” citoi një burim që pretendonte se pacienti kishte një inflamacion të palcës kurrizore që mund të shkaktojë paralizë të përhershme tek disa pacientë.
Çrregullimi mund të shkaktohet nga një sërë shkaqesh duke nisur që nga përgjigjet inflamatore të trupit e deri tek infeksionet virale.

Kjo situatë është shumë shqetësuese, sepse kompania madje ishte mbështetur edhe nga “Organizata Botërore e Shëndetësisë” në krijimin e vaksinën kundër koronavirusit.
Vaksina po testohet tek mijëra njerëz në Britani dhe në SHBA, si dhe tek disa grupe të vogla në Brazil dhe në Amerikën e Jugut.

Një zëdhënëse e “AstraZeneca” tha: “Ne po punojmë për të përshpejtuar rishikimin e kësaj ngjarjeje të vetme për të minimizuar çdo ndikim të mundshëm në kronologjinë e testimit. Jemi të përkushtuar ndaj sigurisë së pjesëmarrësve dhe ndaj standardeve më të larta të sjelljes gjatë testimeve që bëjmë”.
Megjithatë, nuk u dha asnjë detaj në lidhje me pacientin që po vuan efektin anësor dhe as për natyrën e reagimit të tij.

Tjera nga rubrika

Parashikoi koronavirusin, flet aktori i këtij filmi

Teleteksti

Rigjeneroni flokët në mënyrë natyrale përmes këtyre mënyrave

Teleteksti

Paralajmëron Nasa: Asteroidi gjigant do të kalojë nesër afër Tokës

Teleteksti

Rrëfehet 27-vjeçari i prekur me koronavirus: U infektova në mars dhe akoma nuk jam mirë

Teleteksti

Shtatë shenjat që tregojnë se mund ta keni kaluar Covid-19

Teleteksti

Po afrohet një fazë e re e pandemisë

Teleteksti
Agjencia e lajmeve "TELETEKSTI"
www.teleteksti.com - adresa e saktë