Teleteksti
Ekonomi

Rukiqi: Qeveria e re të falë gjobat ndaj bizneseve për shkelje të masave anti-COVID

rukiqi:-qeveria-e-re-te-fale-gjobat-ndaj-bizneseve-per-shkelje-te-masave-anti-covid

Kryetari i Odës Ekonomike të Kosovës, Berat Rukiqi ka kërkuar nga Qeveria në ardhje që të falë gjobat e shqiptuara ndaj bizneseve në Kosovë për shkelje të masave anti-COVID.

Rukiqi ka thënë në një konferencë për media se këto gjoba janë më të larta se ndihma financiare që Qeveria e Kosovës u ka dhënë bizneseve të cilat janë dëmtuar shumë financiarisht si pasojë e pandemisë.

“Është një nen i Ligjit për rimëkëmbje ekonomike i cili parasheh 200 milionë euro mjete për bizneset mirëpo që deri më tani janë ndarë një shumë minimale për këtë kategori”, ka thënë Rukiqi.

Ai po ashtu ka kërkuar nga institucionet e reja që të shtyhet për vitin e ardhshëm kalimi i rreth 1000 bizneseve që janë të kyçura në rrjetin e tensionit 10 kilovat dhe 35 kilovat, në tregun e hapur të energjisë elektrike.

Loading...

Rukiqi në një konferencë për media tha se ky treg është i derregulluar dhe ka çmime të larta të energjisë elektrike e që janë të papërballueshme sidomos në këtë kohë pandemie.

“Ky vendim parasheh që këta konsumatorë të dalin në tregun e hapur të energjisë të furnizohen me energji elektrike në kohën kur vetë ky treg është realisht i pastrukturar, pra ka mungesë të ofertës dhe dhe çmimet në tregun e derregulluar të energjisë elektrike do të jenë shumë më të larta për këto biznese që në numër e kalojnë shifrën 1000. Pra është një numër i madh i kompanive që duhet të ballafaqohen me këtë rritje të çmimeve të energjisë elektrike dhe kjo normalisht ndikon drejtpërdrejt në koston e produkteve sidomos do të ketë kosto të larta tek prodhuesit e veçanërisht tek ata prodhues që tani për tani janë duke eksportuar dhe të cilët shumë lehtë mund ta humbin tregun e tyre të eksportit nëse kanë rritje të energjisë elektrike në kohën kur po ballafaqohemi dhe me pasojat e pandemisë”, ka thënë Rukiqi.

Tjera nga rubrika

Vlera e Bitcoin-it arrin nivel rekord

Teleteksti

Reagojnë gastronomët: Masat e reja krijuan një eksport të parasë dhe import të virusit

Teleteksti

Rritën çmimet e konsumit, ranë vetëm çmimet e perimeve

Teleteksti

16 punëtorë hubën jetën në vendin e punës gjatë vitit të kaluar

Teleteksti

Si pasojë e pandemisë humben vendet e punë rreth 40 mijë kosovarë

Teleteksti

ATK jep një lajm të mirë për bizneset

Teleteksti
Agjencia e lajmeve "TELETEKSTI"
www.teleteksti.com - adresa e saktë