Teleteksti
Lajme

Shkoi i lirë në stacion, Policia nuk e ka ndalur Kadri Shalën kur hyri në Kosovë

shkoi-i-lire-ne-stacion,-policia-nuk-e-ka-ndalur-kadri-shalen-kur-hyri-ne-kosove

Policia s’e ka ndalur Kadri Shalën kur ka hyrë në Kosovë, ai ka shkuar i lirë në stacion.

Kadri Shala, pronari i kompanisë “LDA Group” ku u derdhën 2.1 milionë euro të shtetit me disa transaksione ilegale, është kthyer sot në Kosovë si çdo qytetar tjetër, ndonëse po kërkohej nga Prokuroria Speciale.

Avokati i tij, Osman Hoxha, ka treguar se Shala është kthyer nga Turqia dhe nuk është ndaluar fare me të hyrë në Kosovë.

“Ky ka jetu në Kosovë, ashtu siç është treguar më herët përmes mediave. Ka udhëtu njëherë për një kohë të shkurtër në Turqi. Është kthyer vetë. Kemi ardhë unë me të bashkë, jemi paraqitur këtu në Polici”, ka thënë Hoxha.

Loading...

I pyetur se pse nuk është ndaluar gjatë hyrjes në territorin e Kosovës, avokati i Shalës ka thënëse “ajo çështje nuk i përket avokatisë, aty janë organet kompetente”.

Shala sot u paraqit në stacionin policor, ku u intervistua për disa orë, në prani edhe të avokatit të tij.

Pas intervistimit, ai u ndalua për 48 orë, me urdhër të Prokurorisë Speciale të Kosovës.

Për herë të parë nga arratia, Kadri Shala u paraqit në mbrëmjen e së shtunës. Përmes vëllait të tij, ai kishte dorëzuar një letër të shkruar me dorë në redaksinë e Gazetës Express dhe Televizionit T7. Në këtë letër që mban datën 24 tetor 2020, Shala ka treguar historinë se si ka përfunduar një shumë kaq e madhe e parave nga buxheti i shtetit në llogarinë e firmës së tij. Ai ka thënë se kishte menduar që ka pranuar mjete nga kompanitë që siç tha, i kishin atij borxhe.

Shala kishte shkruar se posa ka marrë këto para, kishte nisur t’i shlyente borxhet që ua kishte personave e kompanive të ndryshme.

Më 20 tetor, punëtori i Thesarit, Labinot Gruda, u arrestua nën dyshimin se përmes katër transaksioneve ka transferuar saktësisht 2,077,995.90 euro nga buxheti i shtetit në llogarinë e kompanisë “LDA Group”.

Në llogarinë e “LDA Group” fillimisht ishin transferuar 622 mijë euro, herën e dytë 375 mijë, pastaj 330 mijë dhe për herë të fundit 750 mijë euro.

Hetimi për këtë vjedhje përfshin 40 njerëz, të cilët në forma të ndryshme dyshohet se janë bërë protagonistë të këtij skandali.

Skandali i vjedhjes së mbi dy milionë eurove nga buxheti i shtetit është planifikuar mbi një strategji që gjeti zbatim për 8 minuta, sipas dosjes së Prokurorisë Themelore të Prishtinës.

Në kërkesën për caktimin e paraburgimin ndaj të arrestuarit Labinot Gruda, Prokuroria ka treguar se në Ministrinë e Financave, Labinot Gruda, për 8 minuta kishte krijuar llogari fiktive që do të duhej të dukeshin si të ishin të punëtorëve të këtij dikasteri, e që do t’i mundësonin atij pastaj që kundërligjshëm t’i transferonte 2,077,995.90 euro në llogari të kompanisë “LDA Group”, pronë e Kadri dhe Valon Shalës.

Për të arrestuarin e vetëm për këtë rast, zyrtarin e Thesarit, Labinot Gruda, Gjykata Themelore e Prishtinës të enjten ka caktuar masën e paraburgimit prej 30 ditësh.

Për këtë rast, në kërkim është edhe përfaqësuesi i autorizuar i “LDA Group”, Valon Shala.

Tjera nga rubrika

Këto lagje të Prishtinës mund të mbesin pa ujë

Teleteksti.com

Nëna e Ramush Haradinajt shtrihet në spital, kjo është arsyeja

Teleteksti.com

Thaçi dhe të tjerët në paraburgimin e Hagës nuk mund të vizitohen nga familjarët

Teleteksti.com

Selmanaj të trajtohet njëjtë si Jabllanoviqi, kjo është kërkesa e deputetet së VV-së

Teleteksti.com

Kosova furnizohet me pajisje mjekësore për menaxhimin e koronavirusit

Teleteksti.com

Hoti: Këngëtari Ismet Peja ka hyrë në historinë artistike të Kosovës

Teleteksti.com
Agjencia e lajmeve "TELETEKSTI"
www.teleteksti.com - adresa e saktë