Teleteksti
Jetë

Vaksina e Oksfordit është e sigurtë dhe efikase – do të ketë ndikim të madh në pandeminë e COVID-19

vaksina-e-oksfordit-eshte-e-sigurte-dhe-efikase-–-do-te-kete-ndikim-te-madh-ne-pandemine-e-covid-19

Vaksinën që po e zhvillojnë Universiteti i Oksfordit dhe kompania AstraZeneca, është e sigurtë, ka konfirmuar një analizë e re e testimit klinik të vaksinës, shkruan Sky News.

Hulumtuesit që kanë punuar në testimin e saj kanë bërë të ditur se kjo vaksinë do të ketë ndikim të madh në pandeminë e coronavirusit, transmeton Telegrafi.

Rezultatet e hulumtimit të saj janë publikuar në revistën Lancet, dhe paraqesin analizën e parë precize që ka analizuar të dhënat nga faza e tretë e testimeve klinike të vaksinës.

Ata shpresojnë që vaksina do të miratohet për përdorim në Britani të Madhe gjatë javëve të ardhshme. Afro 12 mijë vullnetarë kishin marrë pjesë në testimin e vaksinës së Oksfordit dhe AstraZeneca në Britani të Madhe dhe Brazil.

Loading...

Rezultatet kanë treguar se efikasiteti i vaksinës ka qenë dikur rreth 70 për qind. Në grupin që e kanë marrë vaksinën ishin dy doza standarde, e efikasiteti i vaksinës ka qenë 62.1 për qind, kurse grupi që e ka marrë gjysmën e dozës së paplanifikuar dhe më pas dozën e plotë, efikasiteti është rritur në 90 për qind.

Të dhënat e hulumtimit i janë dorëzuar rregullatorit në mbarë botën për miratim.

“Sot kemi publikuar analizën e përkohshme të fazës së tretë të testimit të vaksinës, dhe kemi treguar se vaksina e re është e sigurtë dhe efikase kundër coronavirusit. Jemi shumë falënderues për vullnetarët tonë që kanë punuar me ne gjatë tetë muajve, për të na sjellë këto të arritura”, ka thënë profesori Andrew Pollard, drejtor i grupit të hulumtuesve të Oksfordit.

Vaksina e Oksfordit dhe AstraZeneca është e lirë për prodhim dhe mund të prodhohet në sasi të madhe me pak shpenzime. Për dallim nga vaksinat e Pfizer dhe BioNtech, nuk duhet të ruhet në temperatura shumë të ulëta.

Sarah Gillbert, profesoreshë për vaksinim në Universitetin e Oksfordit, e ka përshkruar ditën e sotme si “ditën më të mirë të vitit 2020”.

“Pas dëshmive në efikasitetin e vaksinës dhe testimeve klinike, tani kemi të dhëna reale për efikasitetin e saj. Shpresojmë që kjo vaksinë do të përdoret së shpejti për të shpëtuar jetë njerëzish”, ka shtuar ajo.

Testimi i vaksinës së Oksfordit akoma po vazhdon, dhe mbetet çështja e hapur sesa gjatë ofron imunitet tek njerëzit.

Tjera nga rubrika

Urgjentisht dërgojeni te mjeku fëmijën nëse merr frymë kështu

Teleteksti

Studimi thotë se maskat plastike nuk iu mbrojnë nga Covid-19

Teleteksti

Cilat janë efektet anësore të vaksinës Pfizer BioNTech?

Teleteksti

Kur ndihet ndikimi i vaksinës kundër koronavirusit? Flet eksperti italian

Teleteksti

19-vjeçarja postim prekës për shoqen pas aksidentit: Pse unë shpëtova dhe ti jo

Teleteksti

Shkencëtarët zbulojnë shenjat më të rënda të koronavirusit

Teleteksti
Agjencia e lajmeve "TELETEKSTI"
www.teleteksti.com - adresa e saktë