Teleteksti
Bota/Rajoni

Vendet arabe bojkotojnë Francën

vendet-arabe-bojkotojne-francen

Franca u ka kërkuar vendeve të Lindjes së Mesme t’i japin fund thirrjeve për bojkot të mallrave të saj pas reagimit të Presidentit Emmanuel Macron lidhur me karikaturat e Profetit Muhamed.

Ministria e jashtme franceze tha se thirrjet “e pabazuara” për një bojkot po “shtyheshin nga një pakicë radikale”.

Produktet franceze janë hequr nga disa dyqane në Kuvajt, Jordan dhe Katar. Ndërkohë, protestat janë parë në Libi, Siri dhe Rripin e Gazës, transmeton rtv21.

Reagimi vjen nga komentet që bëri Macron pas vrasjes së një mësuesi i cili kishte treguar karikaturat e Profetit Muhamed në klasë ku ishte duke dhënë mësim.

Loading...

Presidenti tha që mësuesi, Samuel Paty, “u vra sepse islamistët duan të ardhmen tonë”, por Franca “nuk do të heqë dorë nga karikaturat e saj”.

Paraqitjet e Profetit Muhamed mund të shkaktojnë shkelje serioze për myslimanët sepse tradita islamike ndalon qartë imazhet e Muhamedit dhe Allahut (Zotit).

Të dielën, Macron dyfishoi mbrojtjen e tij ndaj vlerave franceze në një postim në llogarinë e tij “Twitter”: Ne nuk do të dorëzohemi kurrë. Udhëheqësit politikë në Turqi dhe Pakistan kanë akuzuar Macron se nuk respekton “lirinë e besimit” dhe po margjinalizon miliona myslimanë në Francë.

Të dielën, Presidenti turk Rexhep Tajip Erdogan sugjeroi, për herë të dytë, që Macron të kërkonte “kontrolle mendore” për pikëpamjet e tij mbi Islamin. Komente të ngjashme e shtynë Francën të tërheqë ambasadorin e saj në Turqi.

Tjera nga rubrika

Ky është vendi që shënoi rastin e parë me koronavirusi pas 89 ditësh

Teleteksti

OBSH-ja ndez alarmin për një virus të ri me përmasa të frikshme

Teleteksti

Pasi i zgjodh president, Bidenit i ndodh kjo gjë

Teleteksti

Nëna lind foshnjën me antitrupa kundër Covid-19, ishte infektuar gjatë shtatzënisë

Teleteksti

Infektohet me koronavirus ministrja e Mbrojtjes

Teleteksti

Biznes e dashuri, Ivanka tregon detaje nga marrëdhënia me burrin

Teleteksti
Agjencia e lajmeve "TELETEKSTI"
www.teleteksti.com - adresa e saktë